Keerai Mandi

Chettinad Samayal / Keerai Mandi

கீரை மண்டி

தேவையான பொருட்கள்:

கீரை–ஒருகட்டு (முளைக்கீரை,அரைக்கீரை, அகத்திக்கீரை, மணத்தக்காளிக்கீரை,சிறுகீரை இவற்றில்எதில் வேண்டுமானாலும் செய்யலாம்),

சின்ன வெங்காயம் – 10,

பூண்டு – 5 பல்,

பச்சை மிளகாய் – 2,

அரிசி கழுவிய நீர் – 2 கப்,

தேங்காய்ப் பால் – கால் கப்,

காய்ந்த மிளகாய் – 2,

எண்ணெய், உப்பு – தேவையான அளவு.

செய்முறை:

வாணலியில் எண்ணெயை சூடாக்கி கடுகு, வெந்தயம், கீறிய பச்சை மிளகாய், சின்ன வெங்காயம் (நறுக்கியது), பூண்டு, காய்ந்த மிளகாய், சேர்த்து வதக்கவும். அதனுடன் நறுக்கிய கீரையை சேர்த்து வதக்கி, அரிசி கழுவிய நீர் சேர்க்கவும். கொதி வந்ததும் உப்பு சேர்க்கவும். கீரை வெந்ததும் கடைசியாக தேங்காய்ப் பால் சேர்த்துக் கிளறி இறக்கவும் (தேங்காய்ப் பால் சேர்த்த பிறகு கொதிக்கவிடக் கூடாது).

குறிப்பு:வயிற்றுப்புண், வாய்ப்புண் குணமாக உதவும் உணவு இது. ‘மண்டி இருந்தால், உண்டி பெருக்கும்’ என்பது செட்டிநாட்டு பழமொழி.